ՄԻԵԴ-ում Ամալ Քլունիին ընդունեցին որպես հոլիվուդյան աստղի

Մարդու իրավունքների եվրոպական դատարանում մեկնարկել է Փերինչեքի գործի լսումը. գրում է «Փաստինֆո»-ն:

Ինչպես հայտնի է, հայկական կողմը ներկայացնում է նաև փաստաբան Ամալ Քլունին, ով հայտնի է որպես միջազգային իրավունքի մասնագետ:

«Ամալ Քլունին դահլիճ է մտել լրագրողների և տեսախցիկների ուղեկցությամբ: Փաստաբանին լրագրողները չէին դադարում նկարել անգամ դատը սկսվելու զանգերը հնչելուց հետո: Այս մասին տեղեկացնում է «Փաստինֆո»-ի թղթակիցը Ստրասբուրգից։ Ինչպես քննվող գործի հնչեղությունը, այնպես էլ Ամալ Քլունիի ներկայությունը՝ ՄԻԵԴ էր բերել բազմաթիվ լրագրողների ու ֆոտոլրագրողների: Ինչպես ասաց ՄԻԵԴ մամուլի քարտուղարը, այսօր ՄԻԵԴ-ում հավատարմագրված լրագրողների թիվն աննախադեպ է, 50-ից ավել լրատվամիջոցներ հավատարմագրվել են «Փերինչեքն ընդդեմ Շվեյցարիայի» գործի լսումներին մասնակցելու համար:

Գիտությունների դոկտոր, Թուրքիայի Աշխատավորական կուսակցության առաջնորդ Դողու Փերինչեքը դատապարտվել էր Ցեղասպանության ժխտման համար. նա 2005 թվականի մայիսին, հուլիսին և սեպտեմբերին Շվեցարիայում մասնակցել էր տարբեր կոնֆերանսների, որոնց ընթացքում հրապարակայնորեն ժխտել էր, որ 1915 թվականին և դրանից հետո Օսմանյան կայսրությունը ցեղասպանություն է իրականացրել հայ ժողովրդի դեմ: Նա հայկական ցեղասպանության գաղափարը համարել էր «միջազգային սուտ»»,- գրում է կայքը:

Մանրամասն՝ սկզբնաղբյուրում: