Դաժան սպանություն կատարողը խոստովանել է մեղքը

Երեկ հայտնել էինք, որ Երևանի Աբելյան փողոցի բնակարաններից մեկում երիտասարդների միջև վիճաբանությունն ավարտվել է դանակահարությամբ:

Հանցագործություն կատարող երիտասարդը այլանդակել է 27-ամյա երիտասարդի՝ Վազգեն Դալլաքյանի դեմքը:

Ոստիկանությունը նոր մանրամասներ է հայտնում կատարվածի վերաբերյալ:

Մեկնած օպերատիվ խումբը պարզել էր, որ հունվարի 18-ին, ժամը 23.40-ի սահմաններում, Աբելյան փողոցի շենքերից մեկի 3-րդ հարկի հարթակում, կենցաղային հարցերի շուրջ առաջացած վեճաբանության ժամանակ, 1988 թ. ծնված Գագիկ Ա.-ն դանակով հարվածել է 1987 թ. ծնված Արման Ա.-ի ձեռքին` պատճառելով վնասվածք և 1988 թ. ծնված Վազգեն Դալլաքյանի կրծքավանդակի, թիկունքի և դեմքի շրջաններին, ինչի հետևանքով վերջինս մահացել է:

Հունվարի 19-ին, ժամը 18.35-ին, Գագիկ Ա.-ն ներկայացել է քննչական բաժին և հայտնել, որ հունվարի 18-ին, ժամը 23.55-ին, Աբելյան փողոցի 3 շենքում Վ. Դալլաքյանին և Արման Ա.-ին ինքն է դանակահարել, ինչի հետևանքով Վ. Դալլաքյանը մահացել է, իսկ Արման Ա.-ն ստացվել է մարմնական վնասվածքներ: Քննությունը շարունակվում է: