Ընկերոջը հրել-գցել է օղու թորման կաթսայի մեջ

Նոյեմբերի 4-ին հիվանդանոցից ոստիկանության Իջևանի բաժնում հաղորդում էր ստացվել, որ թիկունքի, հետույքի և ազդրի առաջին եւ երրորդ աստիճանի այրվածքներով իրենց մոտ է տեղափոխվել Հովք գյուղի բնակիչներից մեկը, որը հայտնել է, թե վնասվածքները ստացել է տանը` անզգուշաբար իր վրա եռման ջուր լցնելով:

Սսակայն հետագայում պարզվել է, որ դեպքը տեղի է ունեցել նոյեմբերի 3-ին համագյուղացու տան մոտ` օղի թորելու ժամանակ: Համագյուղացին դիտավորյալ հրել ու գցել է ընկերոջը օղու թորման եռացող կաթսայի մեջ և պատճառել վնասվածքներ. տեղեկացնում է ՀՀ ոստիկանության հասարակայնության հետ կապերի վարչությունը:

Կատարվում է հետաքննություն: