«Վերնիսաժ»-ի գործով ամբաստանյալին տեղափոխել են «Իզմիրիլյան» ԲԿ

«Վերնիսաժ»-ի գործով արդեն երրորդ դատական նիստն է հետաձգվում:  Այսօրվա դատական նիստին նույնպես դատարան չէր ներկայացվել ամբաստանյալ Վալերի Հովհաննիսյանը, դատարան չէր եկել նաև փաստաբան Արայիկ Ալվանդյանը:

Դատարանը, դատավոր Գագիկ Պողոսյանի նախագահությամբ, հայտնեց, որ դատարանի գրասենյակ է ուղարկվել «Նուբարաշեն» ՔԿՀ ղեկավարի նամակը, որով տեղեկացվում է, թե ամբաստանյալ Վալերի Հովհաննիսյանը դեկտեմբերի 10-ին տեղափոխվել է «Իզմիրիլյան» բժշկական կենտրոն:

Մեղադրող դատախազը հայտնեց, որ ամբաստանյալի բացակայությամբ նիստը շարունակվել չի կարող: Այս դիրքորոշմանը չառակեցին մյուս ամբաստանյալների պաշտպանները:

Հաջորդ դատական նիստը նշանակվեց դեկտեմբերի 25-ին` ժամը 12:00-ին: