Քանի դեռ կարող եմ հանդես գալ արտասահմանում, կնախընտրեմ դրսում խաղալ. Լևոն Պաչաջյան

Արդեն հայտնել ենք, որ Հայաստանի ազգային հավաքականի նախկին ֆուտբոլիստ Լևոն Պաչաջյանը խզել է պայմանագիրը շվեդական «Ասիրիսկա»-ի հետ:  Այս առիթով Yerkir.am-ը զրույց ունեցավ ֆուտբոլիստի հետ:

«Պայմանագիրը նախատեսված էր մինչև 2015-ի նոյեմբեր ամիսը: Ակումբը ֆինանսական խնդիրներ ուներ, և տարին էլ այդքան  հաջող չէր մեզ համար: Խոսեցինք ու եկանք ընդանուր հայտարարի, որն այս պահին երկու կողմերի համար էլ  օգտակար որոշում է։ Այս պահին  կան ակումբներ, որոնք հետաքրքված են իմ ծառայություններով: Անուններ չեմ կարող տալ, բայց հիմնականում սկանդինավյան ակումբներ են և մեկն էլ` հայկական»,- ասաց ֆուտբոլիստը:  

Հարցին թե հնարավո՞ր է,  որ կարիերան շարունակի  Հայաստանի առաջնությունում, Պաչաջյանը պատասխանեց. «Ես ֆուտբոլում ոչինչ չեմ բացառում, բայց քանի կարող եմ հանդես գալ արտասահմանում, ես կնախընտրեմ դրսում խաղալ»։