Թուրքիայում քաղաքապետարանի աշխատակիցները փողոցում անտեր կով են մորթել (լուսանկարներ)

Թուրքիայի Սիլոփի քաղաքապետարանի աշխատակիցները փողոցում անտեր շրջող կով են մորթել:

Ըստ Milliyet-ի՝ քաղաքապետարանն ավելի վաղ անասնապահներին զգուշացրել էր, որ դրամական պատժամիջոցներ կսահմանվեն կենդանիներին փողոցում անտեր թողնողների հանդեպ, սակայն դա այնքան էլ լուրջ չէր ընդունվել: Կով մորթելու տեսարանը այնքան է հետաքրքրել բոլորին, որ, հավաքվելով, սկսել են նկարահանել կատարվածը: Ներկաների մեջ եղել են նաև երեխաներ:

Քաղաքապետարանի աշխատակից, անասնաբույժ Էմին Գյուլերը խոստացել է՝ «այսուհետ փողոցում առանց տեր շրջող ցանկացած կենդանի տեղում մորթվելու է»: Այդ անմարդկային արարքն արդարացնելու նպատակով նա հայտնել է, որ «այդ միսը բաժանվելու է աղքատներին»: