ՀԱՅԿԱԿԱՆ ԺԱՄԱՆԱԿ. Կով կթելու արվեստը

Մի 10 օր առաջ Սերժ Սարգսյանն իր մոտ հրավիրած հայտնի խորհրդակցության ժամանակ պահանջեց վարչապետից, փոխվարչապետից եւ նախարարներից պարբերաբար այցելել գյուղեր:

«Գյուղացին պետք է տեսնի, որը ինքը մենակ չէ»,- այդպես էր Սերժ Սարգսյանը բացատրել ենթականերին գյուղեր ուղարկելու անհրաժեշտությունը:

Երեկ Տիգրան Սարգսյանը գյուղնախարար Սերգո Կարապետյանին իր հետ վերցրել ու տարել էր Արագածոտնի Ավան համայնք` գյուղացուն ցույց տալու, որ նա մենակ չէ` վարչապետն ու գյուղնախարարն իր հետ են:

Եվ եթե մեր գյուղի վիճակն այնքան տխուր չլիներ, որքան հիմա է, կարելի էր այս այցի հիման վրա մի իսկական կատակերգություն գրել, մասնավորապես` այն մասին, թե ինչպես է վարչապետը սովորեցնում գյուղացուն կով կթել` սկզբում պտուկները գոլ ջրով լավանալ, հետո մաքուր սրբիչով սրբել...