Վահե Հակոբյանը Հովիկ Աբրահամյանի հետ հակասություննե՞ր ունի. «Հրապարակ»

«Հրապարակ»-ը գրում է.

«Վահե Հակոբյանի անսպասելի հրաժարականը երեկ բացատրում էին Հովիկ Աբրահամյանի հետ ունեցած հակասություններով, ինչն ավելի խորացավ Հակոբյանների վաղեմի հակառակորդ Սուրեն Խաչատրյանի՝ Սյունիքի մարզպետ դառնալով: Իսկ Ջրային կոմիտեի նախագահ Վահե Հակոբյանը, որն առանձնապես լավ չէր պատկերացնում ոլորտը, «ազատ շարժի» հնարավորությունից զրկված էր կադրային և մնացյալ հարցերում՝ նույն կառավարության «գործուն» ջանքերի շնորհիվ:

Ի դեպ, մեր տեղեկություններով, Վահե Հակոբյանը դիմումը գրած է եղել առավոտյան: ՀՀԿ–ում կարծում էին, որ հնարավոր է վարչապետը վերադառնա և չստորագրի, սակայն Աբրահամյանի առաջին գործերից մեկը հենց այդ դիմումն ստորագրելն է եղել»:

Մանրամասն` թերթի այսօրվա համարում: