Հայ կանայք երկու կոպեկի համար չէ, որ երեխա են ունենում. Գալուստ Սահակյան

ԱԺ նախագահ Գալուստ Սահակյանը «Ժամանակավոր անաշխատունակության նպաստների մասին» օրենքի վերաբերյալ հանդես եկավ արտահերթ ելույթով և նշեց, որ հայ ընտանիքները փողով չեն հարստանում:

«Երիտասարդներն ամուսնանում են, ինչպես մենք ենք ժամանակին ամուսնացել, ու դա դառնում է սրբերի սրբոց: Ընդամենը երկիրը պարտավոր է նորածին անդամի համար ավելի բարենսպաստ պայմաններ ստեղծել, որպեսզի ծննդյան ընթացքում առողջ երեխա լինի»,- ասաց ԱԺ նախագահը:

Նա նշեց, որ համաձայն է այն խոսակցությունների հետ, թե պետությունը պետք է չաշխատող կանանց ավելի շատ վճարի, բայց իրենք իրենց հնարավորությունների չափով են օգնում:

«Ինչ վերաբերում է այն խոսակցությւոններին, որ մենք քննարկումներ ենք անում, մեծ սեղաններ ենք գցում և գործուղումների ենք գնում, ապա ասեմ, որ եթե միջազգային շփումներ չունենանք, տնտեսություն չենք ունենա: Ասում են, թե` ամեն տարի ասֆալտ եք անում: Չեն հասկանում, որ մթնոլորտը պետք է գեղեցիկ լինի»,- ասաց ԱԺ նախագահը:

Ըստ Սահակյանի` հայ կանայք երկու կոպեկի համար չէ, որ ընտանիք են կազմում և երեխա ունենում, պարզապես նրանք ընտանիքապաշտ և երեխայապաշտ են: «Խնդրում եմ մյուս ելութներում մի քիչ մեղմեք քննադատությունը, դրանք ընտանիքի կանայք են, ոչ թե այն կանայք, որ փողով են ընտանիք կազմում»,- եզրափակեց նա: