«Բաշնեֆտ»-ի գործով դատը կարող է բացասաբար ազդել «Սիստեմա»-ի վրա

Հինգշաբթի օրը Մոսկվայի արբիտրաժային դատարանը, գլխավոր դատախազության հայցի համաձայն, «Սիստեմա» ԲՖԿ-ից պահանջել է «Բաշնեֆտ»-ի և նրա դուստր ընկերության բաժնետոմսերի 74%-ը հանձնել պետությանը: Գլխավոր դատախազությունը պնդում է, որ Բաշկիրիայի ՎԷՀ-երի (վառելիքաէներգետիկ համալիր) մասնավորեցման գործարքներն անցկացվել են օրենսդրության խախտմամբ. հայտնում է РИА Новости-ն:

«Սիստեմա» ԲՖԿ-ում չեն բացառում «Բաշնեֆտի» գործով դատական գործընթացի բացասական ազդեցությունը ընկերության ներդրումային ռազմավարության և ֆինանսական իրավիճակի վրա, հատկապես` նավթային ընկերության բաժնետոմսերի առգրավման մասին դատարանի որոշման՝ ուժի մեջ մտնելու դեպքում: Այդ մասին ասվում է ընկերության հայտարարությունում:

Այժմ  ընկերությունը զբաղվում է շահագրգիռ անձանց հետ դատարանի որոշման հնարավոր հետևանքների և իրավիճակը հարթելու հնարավորությունների քննարկմամբ:

Հիշեցնենք, որ օգոստոսի 26-ին հետաքննությունը գործ է հարուցել «Բաշնեֆտ»-ի բաժնետոմսերի անօրինական վաճառքի գործով: