Քրդերի անվան տակ աթեիստ հայեր կան. Անկարայի քաղաքապետ

Twitter-յան իր էջում ակտիվ գործունեություն ծավալող` Անկարայի քաղաքապետ Մելիհ Գյոքչեքը դարձյալ աչքի է ընկել իր հակահայ հայտարարությամբ:

Ըստ Сumhuriyet-ի՝ նա Twitter-ում թողել է հետևյալ գրառումը.«Ես ողջունում եմ Արևելքում միասնականությունը կանգուն պահելու համար կյանքը վտանգող, իսլամի համար աշխատող մեր քուրդ եղբայրներին»:

Իսկ մեկ այլ գրառման մեջ ասել է. «PKK-ի կազմում քրդերի անվան տակ աթեիստ հայեր կան, որոնք դեմ են քրդական հարցի լուծմանը»:

Որպես ապացույց՝ քաղաքապետը տեսանյութ է հրապարակել, որում Քրդական բանվորական կուսակցության մի քանի զինյալներ ծաղրում են Ալլահին և նամազը, իսկ մյուսները ծիծաղում են:

Նշենք, որ Գյոքչեքի այս գրառումներին անդրադարձել են թուրքական լրատվամիջոցները: «Գյոքչեքի սկանդալային գրառումները»,- գրել է թուրքական Cumhuriyet-ը:

Ստորև ներկայացնում ենք Գյոքչեքի հրապարակած տեսանյութը: