Բալասանյանը եռյակի հանրահավաքի պատճառով 60-ամյակը 5 օր շուտ է նշում

Հայտնի է, որ Գյումրու ԲՀԿ-ական քաղաքապետ Սամվել Բալասանյանը երեկվանից 10 օրով արձակուրդում է: Բալասանյանը, փաստորեն, չի մասնակցի ո'չ այսօր կայանալիք` եռյակի հանրահավաքին, ո'չ էլ հոկտեմբերի 10-ի երեւանյան հանրահավաքին:

Պարզվում է` Բալասանյանի համար այս տարին հոբելյանական է: Նա հոկտեմբերի 12-ին նշելու է ծննդյան 60-ամյակը: ԳԱԼԱ-ի  հետ զրույցում Բալասանյանի մամլո խոսնակ Լիլիթ Մակարյանն ասել է, որ նա ընտանիքով մեկնել է արտերկիր՝ նշելու հոբելյանը:

Փաստորեն, եռյակի հանրահավաքների պատճառով Բալասանյանի նախատոնական պատրաստությունը 5 օրով երկարել է:

Ի դեպ, մամուլի քարտուղարը նաեւ ասել է. «Քաղաքապետարանը եղել է, կա ու կմնա ապաքաղաքական կառույց՝ Սամվել Բալասանյանի գլխավորությամբ: Դա նշել է քաղաքապետը, եւ այդ տեղեկությունը փոփոխության ենթակա չէ»: