Ստամբուլահայ երգչուհի Սիբիլն իր ձայնասկավառակի շնորհանդեսը կանի Երևանում

Ստամբուլահայ երգչուհի Սիբիլը սեպտեմբերի 18-ին Երևանում կներկայացնի իր նոր` «Սեր» ալբոմը: Ձայնասկավառակի շնորհանդեսը տեղի կունենա «Մոսկվա» կինոթատրոնում:

Ermenihaber.am-ի հետ զրույցում երգչուհին տեղեկացրել է, որ ձայնասկավառակի վաճառքից գոյացած ողջ հասույթը կնվիրաբերվի Հայաստանի մանկապարտեզներից մեկին: Սիբիլը սիրով բոլորին հրավիրում է` ներկա գտնվելու շնորհանդեսին և մասնակցելու այս բարեգործական ակցիային:

«Սեր» ալբոմում տեղ է գտել 12 երգ`11 հայերեն, 1 արամեերեն:

Ավելացնենք նաև, որ 2010 թվականի նոյեմբերին թողարկվել էր նրա «Սիբիլ» ալբոմը, որում ներառված էին «Տեր ողորմյա», «Կիլիկիա», «Տեսնեմ Անին ու նոր մեռնեմ» երգերը: Իսկ երգացանկի առաջին երգը «Նամակ»-ն է, որն էլ հենց ճանաչում բերեց երգչուհուն:

Ի դեպ, այս տարի մայիսի 11-ին Կալիֆոռնիայում տեղի ունեցած առաջին` World Armenian Entertainment Awards մրցանակաբաշխությանը Սիբիլն արժանացել է «Սփյուռքի տարվա լավագույն երգչուհի» մրցանակին։