ՆԱՏՕ-ն աջակցում է «Հայաստանի եւ Ադրբեջանի... տարածքային ամբողջականությանը»

«ՆԱՏՕ-ի անդամ երկրները հավատարիմ են մնում Հայաստանի, Ադրբեջանի, Վրաստանի եւ Մոլդովայի տարածքային ամբողջականությանը, անկախությանը եւ ինքնիշխանությանն աջակցելու գործին», - ասված է ՆԱՏՕ-ի ուլելսյան գագաթնաժողովի հռչակագրում, որը ստորագրել է նաեւ Հայաստանը:

ՆԱՏՕ-ի անդամ պետություններն աջակում են տարածաշրջանի, այդ թվում՝ Հարավային Կովկասում հակամարտությունների խաղաղ կարգավորմանը` Միավորված Ազգերի խարտիայի եւ Հելսինկյան եզրափակիչ ակտի հիմունքներով: 113 կետանոց փաստաթղթում նշվում է, որ ՆԱՏՕ-ի անդամ պետությունները շարունակում են գործընկեր պետություններին աջակցել, որպեսզի արտաքին եւ անվտանգության քաղաքականության հարցերում նրանք անկախ եւ ինքնուրույն, ճնշումներից եւ սպառնալիքից զերծ որոշումներ կայացնեն:

Հայաստանի արտգործնախարարության մամուլի խոսնակ Տիգրան Բալայանը «Երկիրն այսօրի»-ի հետ զրույցում ասել է, որ հռչակագրի վերաբերյալ մեկնաբանություններ չունեն:

Հիշեցնենք նաեւ, որ Հայաստանը բոյկոտել էր ՆԱՏՕ-ի՝ 2010 թվականի Չիկագոյի գագաթնաժողովը: Երեւանն այդ ժամանակ չէր ստորագրել գագաթնաժողովի հռչակագիրը, որում ամրագրված էին նույն դրույթները։