Խստացվել է լրագրողների ազատ տեղաշարժը կառավարության միջանցքներում

«Այս օրերին կառավարության անդամներն ամփոփում են իրենց աշխատանքային 100 օրը: Նրանց կատարած աշխատանքները հանրությանը ներկայացվում են զեկույցների տեսքով, իրականում ոչինչ չի փոխվել:

Հովիկ Աբրահամյանի կատարած աշխատանքից դեռևս մի բան է տեսանելի, այն էլ՝ կառավարության շենքում, ավելի է խստացվել լրագրողների ազատ տեղաշարժը կառավարության միջանցքներում, որտեղ նրանք պետք է հարցազրույցներ անեն նախարարների հետ:

Անգամ արգելվել է նստել աստիճաններին կամ որևէ հարմար տեղ:

Անվտանգության աշխատակիցներն ավելի խստապահանջ են դարձել: Մյուս փոփոխությունը ճաշարանում է կատարվել, փոխվել է աշխատողների համազգեստի գույնը»,–գրում է «Հրապարակ» թերթը։