ՀՀԿ-ն փորձում է ցույց տալ, թե քվեարկությունն արդար է անցել

Քիչ առաջ Ազգային ժողովի փոխնախագահ Էդուարդ Շարմազանովն անդրադարձավ ՀՅԴ խմբակցության պատգամավորների այն հայտարարություններին, որ կուտակային կենսաթոշակների մասին օրենքի քվեարկության ժամանակ ՀՀԿ-ականներն իրար փոխարեն են քվեարկել:

Շարմազանովի խոսքով` ոչ իշխանական և ընդդիմադիր ուժերն իրենց մեղադրում էին, որ Սպարտակ Մելիքյանի կողքին նստած Մուրադ Մուրադանը և Արթուր Գևորգյանի կողքին նստած Արման Սահակյանը քվեարկել են:

«Իմ մոտ է քվեարկության պատկերը»,- ասաց Շարմազանովը` ցույց տալով փաստաթուղթը: Ըստ այդ փաստաթղթի` Մուրադ Մուրադյանը և Արման Սահակյանը չեն քվեարկել:

Շարմազանովը խոստացավ փաստաթուղթը տրամադրել, ում անհրաժեշտ է: