Հայ բռնցքամարտիկների փայլուն ելույթները` Վրաստանում

Վրաստանի Քութայիս քաղաքում ավարտվեց բռնցքամարտի երիտասարդների միջազգային մրցաշարը, որին մասնակցում էին նաև հայ երիտասարդ բռնցքամարտիկները:

Վրաստան մեկնած մեր բոլոր մարզիկներն էլ նվաճել են մեդալներ, ընդ որում` մեր 11 մարզիկներից 7-ը կանգնել են պատվո հարթակի ամենավերին աստիճանին: Ոսկե մեդալ են նվաճել 49 կգ քաշային Արտյոմ Ալեքսանյանը, 56 կգ քաշային Արսեն Պողոսյանը, 75 կգ քաշային Գևորգ Պետրոսյանը, 81 կգ քաշային Նարեկ Մանասյանը, 91 կգ քաշային Սերյոժա Հակոբյանը և գերծանր քաշային Գնել Մուրադյանը: Չեմպիոնական տիտղոս է նվաճել նաև  գեղեցիկ սեռի մեր միակ ներկայացուցիչը՝ երիտասարդների աշխարհի չեմպիոն Անուշ Գրիգորյանը: 

52 կգ քաշային Դավիթ Ասատրյանը և 60 կգ քաշային Սամվել Մելիքյանը նվաճելեն արծաթե մեդալ, իսկ 60 կգ քաշային Էրիկ Պետրոսյանը և 69 կգ քաշային Տիգրան Մելքոնյանը կանգնել են պատվո հարթակի 3-րդ աստիճանին: Այս մասին Yerkir.am-ը տեղեկացավ բռնցքամարտի Հայաստանի ֆեդերացիայի մամուլի ծառայությունից: