Հայաստանի ազգային օլիմպիական կոմիտեն կազմակերպում է մարզամշակութային միջոցառում

Հունիսի 1-ը Երեխաների պաշտպանության միջազգային օրն է: Այդ առթիվ Հայաստանի ազգային օլիմպիական կոմիտեն, միջազգային օլիմպիական կոմիտեի հովանու ներքո, «Օլիմպիական համերաշխություն» ծրագրի շրջանակներում, ավանդաբար կազմակերպում է մարզամշակութային միջոցառում:

Երեխաներին  նվիրված` «Մենք ապագա օլիմպիականներ ենք» նշանաբանով սպորտլանդիան տեղի կունենա Երևանի «Միկա» մարզադահլիճում: Իրենց ունակությունները կդրսևորեն մայրաքաղաքի 12 վարչական տարածքների 23 նախադպրոցական ուսումնական հաստատությունների սաներ:

Միջոցառումը կսկսվի հունիսի 1-ին` ժամը 12-ին: Մինչ այդ «Միկա»-ի նախասրահում կցուցադրվեն երեխաների կատարած, մարզական-օլիմպիական թեմաներով նկարչական աշխատանքները: Այս մասին տեղեկացնում է Հայաստանի ազգային օլիմպիական կոմիտեի պաշտոնական կայքը: