Շմայսը չեկավ

Ազգային ժողովի Էթիկայի հանձնաժողովը ընդդեմ ՀՀԿ խմբակցության պատգամավոր Առաքել Մովսիսյանի՝ Շմայսի` չորս լրագրողների ներկայացրած դիմումի կապակցությամբ մտադիր էր այսօր լսել պատգամավորի պարզաբանումները: Սակայն պատգամավորը հանձնաժողով չի ներկայացել: Այս մասին լրագրողների հետ զրույցում ասել է էթիկայի հանձնաժողովի նախագահ Հովհաննես Սահակյանը: Նա նաև նշել է, որ դիմումի քննության վերջնաժամկետը հունիսի 2-ն է, և մինչ այդ` դիմումի վերաբերյալ կկայացվի որոշում:

Հիշեցնենք, որ լրագրողներն իրենց դիմումում հանձնաժողովի ուշադրությունը հրավիրել են ԱԺ նախորդ տարվա դեկտեմբերի 23-ի արտահերթ նիստում՝ հայ-ռուսական համաձայնագրերը վավերացնելու մասին որոշումների քվեարկության ժամանակ, լրագրողների նկատմամբ ՀՀԿ խմբակցության անդամ Առաքել Մովսիսյանի անվայել վարքագծի վրա: