Հատուկ երթուղով այցելություն` «Էրեբունի» արգելոց-թանգարան

Մայիսի 18-ին նշվող` Թանգարանների միջազգային օրվա շրջանակում այսօր մեկնարկել է «Թանգարանների գիշեր» համաեվրոպական միջոցառումը:

Մայիսի 17-ին Երևանի քաղաքապետարանի հետ համատեղ կիրականացվի նաև հատուկ երթուղով այցելություն «Էրեբունի» պատմահնագիտական արգելոց-թանգարան հետևյալ կանգառներով`

◆ Երևան քաղաքի պատմության թանգարան,

◆ Հայաստանի պատմության թանգարան, Հայաստանի ազգային պատկերասրահ, Ե. Չարենցի անվան գրականության և արվեստի թանգարան, Հայաստանի ճարտարապետության ազգային թանգարան-ինստիտուտ, Ալ. Թամանյանի թանգարան-ինստիտուտ,

◆ Խ. Աբովյանի անվան հայկական մանկավարժական համալսարանի թանգարան, Հայ Յեղափոխական դաշնակցութեան  պատմութեան թանգարան,

◆ Հայաստանի բնության պետական թանգարան,

◆ «Ագուլեցի» ԱՄՍԿ հիմնադրամ:

Մայրաքաղաքի որոշ թանգարաններում Խ. Աբովյանի անվան հայկական մանկավարժական համալսարանի և Ճարտարապետության և շինարարության ազգային համալսարանի ուսանողները կամավոր սկզբունքով մինչև կեսգիշեր կաջակցեն «Թանգարանների գիշեր» միջոցառմանը' նպաստելով այցելուների առավել ներգրավմանը թանգարանային տոնին:
«Թանգարանների գիշեր» միջոցառման կապակցությամբ մայիսի 17-ին Երևանի մետրոպոլիտենը կաշխատի մինչև ժամը 01:00-ն: