Այս շաբաթ ՀՀԿ-ն նիստ չի անի. հայտնի է ՀՀԿ համագումարի օրը

Այս շաբաթ ՀՀԿ ԳՄ նիստ չի լինելու: Այս մասին Yerkir.am-ի հետ զրույցում ասաց ՀՀԿ կազմակերպչական հանձնաժողովի նախագահ Ռուբեն Թադևոսյանը:

Նա նաև նշեց, որ մայիսի 24-ին տեղի է ունենալու ՀՀԿ հերթական` 15-րդ համագումարը: Համագումարի օրակարգում կլինեն ՀՀԿ նախագահի հաշվետվությունը, ՀՀԿ վերստուգիչ հանձնաժողովի հաշվետվությունը, ՀՀԿ նախագահի և ԳՄ ընտրությունները, ՀՀԿ վերստուգիչ հանձնաժողովի ընտրությունը, կուսակցության կառույցների ղեկավարների ընտրությունները, ինչպես նաև բանաձևերի, որոշումների ու փաստաթղթերի ընդունում:

«Ելույթներում, բնականաբար, անդրադարձ կկատարվեն արտաքին ու ներքին կարևոր քաղաքական հարցերին և ներկուսակցական հարցերին»,- ասաց Ռուբեն Թադևոսյանը: