Հաստատվել է ՀՀԿ համագումարի օրակարգը

Այսօր տեղի ունեցած Հայաստանի Հանրապետական կուսակցության Գործադիր մարմնի նիստից հետո ՀՀ ԱԺ փոխնախագահ, ՀՀԿ խոսնակ Էդուարդ Շարմազանովը լրագրողների հետ զրույցում հայտնեց, որ ՀՀԿ ԳՄ-ն միաձայն հաստատել է նոյեմբերի 26-ին նշանակված 16-րդ  համագումարի  օրակարգը: 

ՀՀԿ խոսնակը ասաց, որ համագումարում հաշվետու ելույթով հանդես կգա ՀՀԿ նախագահ Սերժ Սարգսյանը, կընտրվի ՀՀԿ նախագահ եւ գործադիր մարմին, կընդունվի բանաձեւ: 

Մինչև  նոյեմբերի 26-ը  համագումարի պատվիրակներին կբաժանվի սպասվող փոփոխությունների նախագիծը:

Համագումարին ՀՀԿ միջազգային  գործընկերներից  ներկա կլինեն  ԵԺԿ-ի, «Միասնական Ռուսաստանի» և  Չինաստանի կոմկուսի ներկայացուցիչները: Ինչ վերաբերում է հայաստանյան կուսակցությունների ներկայացուցիչների մասնակցությանը, ապա Շարմազանովը հորդորեց ինտրիգներ չփնտրել: