Ինչո՞ւ ՀՀԿ ԳՄ երեկվա նիստին ներկա չէր Տիգրան Սարգսյանը

ԱԺ ՀՀԿ խմբակցության ղեկավար, ՀՀԿ ԳՄ անդամ Գալուստ Սահակյանը տեղյակ չէ, թե ինչու երեկ ՀՀԿ ԳՄ նիստին չէր ներկայացել ՀՀԿ փոխնախագահ, նախկին վարչապետ Տիգրան Սարգսյանը: «Սովորաբար, ովքեր չեն ներկայանում, կուսակցության նախագահի թույլտվությամբ չեն ներկայանում»,- ասաց նա Yerkir.am-ի հետ զրույցում:

Հարցին` հնարավո՞ր է, որ այսուհետ Տիգրան Սարգսյանն այլեւս չներկայանա ԳՄ-ի նիստերին, Գալուստ Սահակյանը պատասխանեց, որ կներկայանա այնքան ժամանակ, մինչեւ որ կստանա իր նոր նշանակումը՝ դեսպանի պաշտոնում:

Ի դեպ, Սահակյանն այդպես էլ չհստակեցրեց, թե կոնկրետ որ երկրում է դեսպան լինելու Տիգրան Սարգսյանը: Նշենք, որ քննարկվում է երեք տարբերակ՝ ԱՄՆ, Իսպանիա, Բելգիա: