Սեյրան Օհանյանը հպարտ է, որ իր անունը շրջանառվում է վարչապետի հավանական թեկնածուների շարքում, բայց...

Պաշտպանության նախարար Սեյրան Օհանյանը քիչ առաջ` Ծաղկաձորում հրավիրված համաժողովի ժամանակ, անդրադարձավ վարչապետի պաշտոնում իր հնարավոր նշանակման մասին շրջանառվող լուրերին: Ծաղկաձորից  Yerkir.am թղթակիցը տեղեկացնում է, որ Սեյրան Օհանյանը հայտնել է, թե նման առաջարկ չի ստացել:

«Իհարկե, ինձ համար պատիվ է, եւ ես հպարտանում եմ, որ մեր կառավարության գործունեության մեջ դերակատարություն ունեմ եւ դասվել եմ այն առաջնեկների շարքում, ով ունի արժանապատվություն, եւ ում անունը կարող է շրջանառվել, սակայն ես կարող եմ ասել, որ ՊՆ նախարարը մեր երկրի ներկայիս իրավիճակում մեծ դերակատարություն ունի անվտանգության ապահովման գործում: Ես գտնում եմ, որ ես դեռ շատ անալիքներ ունեմ»,- ասաց նախարարը` ըստ էության, ակնարկելով, որ վարչապետ չի նշանակվի:

Անդրադառնալով Տիգրան Սարգսյանի հրաժարականին` նա նշեց, թե ամեն մեկն իր մեջ պետք է վերլուծի եւ հետեւություններ անի, թե այդ մարդն ինչ աշխատանք է արել: