Նարիշկինից պետք է հեռու մնալ, այդ պատգամավորները վարկաբեկում են մեզ. Պուտինը հեգնանքով է խոսել ԱՄՆ-ի պատժամիջոցների մասին

ՌԴ նախագահ Վլադիմիր Պուտինը մտադիր է հաշվեհամար բացել Россия բանկում, որի նկատմամբ ամերիկյան պատժամիջոցներ են կիրառվել: Այս մասին նա հայտարարել է Ռուսաստանի Ազգային անվտանգության խորհրդի այսօրվա նիստում, երբ ՌԴ ԱԳՆ ղեկավար Սերգեյ Լավրովը ներկայացրել է Ռուսաստանի դեմ Վաշինգտոնի սահմանած պատժամիջոցների վերաբերյալ զեկույցը:

«Ես երկուշաբթի անպայման անձնական հաշվեհամար եմ բացելու այդ բանկում»,- ասել է Պուտինը:

Նա նաև հումորով է վերաբերվել ՌԴ պաշտոնյաների նկատմամբ պատժամիջոցներ կիրառելուն, ընդ որում` այդ մարդկանց մի մասը, մասնավորապես` Պետդումայի նախագահ Սերգեյ Նարիշկինը, մասնակցել է խորհրդակցությանը: «Նրանցից պետք է հեռու մնալ, նրանք վարկաբեկում են մեզ»- ժպտալով ասել է Պուտինը: