Ես իմ աչքի գերանը տեսնում եմ. Էդուարդ Շարմազանով

Երեկ ԱԺ նիստում ԱԺ փոխնախագահ Էդուարդ Շարմազանովը ՀԱԿ խմբակցության պատգամավորների ամեն ելույթից հետո նրանց կոռեկտության կոչ էր անում: Yerkir.am-ի հարցին` հանրապետական պատգամավորներն ու կառավարության անդամնե՞րն են ավելի շատ կոռեկտության սահմանն անցնում, թե՞ ընդդիմությունը, Էդուարդ Շարմազանովը պատասխանեց, որ չէր ցանկանա համեմատություն անել:

Նրա կարծիքով` եթե քաղաքական ընդդիմությունը  քաղաքական մեծամասնությունից հարգանք և պառլամենտական բառապաշարին վայել ելույթներ է պահանջում, ապա նախևառաջ խորհրդարանական ընդդիմությունը պետք է իրեն թույլ չտա վիրավորական արտահայտություններ այս կամ այն պաշտոնյայի հասցեին: «Քար նետողը պետք է գտակցի, որ  կստանա ավելի մեծ քարի հարված` իր ճակատին»,- ասաց ԱԺ փոխնախագահը` հավելելով, որ, անկախ անձից ու կուսակցական պատկանելությունից, իր  համար դատապարտելի է ոչ կոռեկտ պահվածքը: «Եղել են դեպքեր, որ ես էլ եմ խախտել կոռեկտությունը, օգտագործել եմ ոչ կոռեկտ բառապաշար,  և դա էլ ընդունելի չէ: Ես այն գործիչների թվին եմ պատկանում, ով իր աչքի գերանը տեսնում է»,- ասաց Էդուարդ Շարմազանովը: