Համասեռամոլին փոցխով հարվածած տղամարդն ազատամարտիկ է

Արդեն տեղեկացրել ենք, որ համասեռամոլ մարմնավաճառներից մեկը դատի է տվել Կոմայգու աշխատողներից մեկին: Կոմայգու աշխատակիցը /անունը չենք նշի/ այգին մաքրելիս է եղել, երբ մարմնավաճառներից մեկը պնդել է, որ նա լքի այգին: Աշխատողը, սակայն, չի ենթարկվել նրանց եւ շարունակել է իր աշխատանքը կատարել, իսկ մարմնավաճառները սկսել են հայհոյել: Դրանից հետո վեճ է ծագել, եւ այգու աշխատակիցը փոցխով հարվածել է նրանցից մեկին:

Yerkir.am-ի հետ զրույցում այգու աշխատակիցը տեղեկացրեց, որ տեղի է ունեցել դատական առաջին նիստը, որի ժամանակ էլ դատավորը ժամանակ է տվել կողմերին` փոխհամաձայնության գալու:

«Ես Ղարաբաղյան ազատամարտի մասնակից եմ, անգամ` շքանշան ունեմ: Հիմա պետք է բոլոր թղթերս հավաքեմ ու դատարան ներկայացնեմ: Իսկ էդ աղջկան /աղջիկ ա, տղա ա` չեմ հասկանում/, չգիտեմ` ոնց գտնեմ, որ համաձայնության գանք»,- ասաց այգու աշխատակիցը:

Ի դեպ, դատական հաջորդ նիստը տեղի կունենա փետրվարի 5-ին: