Ջհանդամիս, թե լրագրող չես. ամբաստանյալի հայրը` լրագրողին

Սոցիալական ապահովության պետական ծառայության նախկին պետ Վազգեն Խաչիկյանի ու մյուսների գործով այսօրվա դատական նիստը հետաձգվեց մեղադրող դատախազների  բացակայության պատճառով: Ընդ որում` այս գործը նորանշանակ դատավոր Մեսրոպ Մակյանին մակագրվելուց հետո` դատախազների բացակայության պատճառով արդեն երկրորդ անգամ է հետաձգվում նիստը. գրում է «Փաստինֆոն»:

Դատական նիստի ավարտին դահլիճում ներկա ամբաստանյալ Վահագն Խաչատրյանի հայրը իր վրդովմունքը հայտնեց նիստը հետաձգվելու կապակցությամբ՝ ասելով, որ նիստն արդեն մեկ տարի է ընթանում է` սկզբում դատավորը փոխվեց, իսկ  հիմա էլ դատախազները չեն ներկայանում:

Ամբաստանյալի հորը հանգստացնող և դատական նիստերի դահլիճից դուրս հրավիրող կարգադրիչներն  արժանացան նրա վիրավորանքներին։  Իսկ երբ լրագրողը փորձեց ճշտել նրա անուն-ազգանունը,  վիրավորանքների  հասցեատերը փոխվեց`     ամբաստանյալի հայրը սկսեց վիրավորական արտահայտություններ թույլ տալ նաեւ լրագրողի հասցեին՝  ասելով` «ջհանդամիս, թե լրագրող չես, ով ուզում ես եղի»:

Հոդվածն ամբողջությամբ կարդացեք այստեղ: