ՄՄ-ին Իսրայելի անդամակցման աշխատանքները կմեկնարկեն 2014-ի սկզբին

Գալիք տարվա սկզբին հատուկ հետազոտական խումբ կստեղծվի, որը մանրամասն կուսումնասիրի Ռուսաստանի, Բելառուսի և Ղազախստանի Մաքային միությանը Իսրայելի միացման հեռանկարը: Այդ մասին հայտնում է  Российская Газета-ն՝ վկայակոչելով Անդրեյ Սլեպնյովին՝ ՄՄ-ի տնտեսական հանձնաժողովի առևտրի հարցերով նախարարին:

Ըստ թերթի՝ այդ կառույցին Իսրայելի հնարավոր միացման մասին ավելի վաղ հայտարարել էր փոխվարչապետ Արկադի Դվորկովիչը: Սլեպնյովի խոսքերով` այսօր Իսրայելի և Ռուսաստանի միջև ապրանքաշրջանառությունը 3 մլրդ ԱՄՆ դոլար է: Ռուսական կողմը նախատեսում է առաջիկայում այդ ցուցանիշը հասցնել 3,5 մլրդ-ի:

Իսրայելի ԱԳՆ ղեկավար  Ավիգդոր Լիբերմանը նույնիսկ հստակ ժամկետներ էր նշել` Facebook-ի իր էջում նա հայտնել էր, որ Իսրայելի և Մաքսային միության միջև առանց տուրքի առևտրի գոտու ստեղծումը կարող է մշակվել ու ստորագրվել 2014-ի սկզբին:

Փորձագետները, սակայն, կասկածում են, որ այս նախագիծը հնարավոր կլինի կյանքի կոչել, այն էլ` այդքան սեղմ ժամկետներում: Գլխավոր պատճառն այն է, որ Ասոցացման մասին համաձայնագիր ունի ԵՄ-ի հետ, և հենց նույն հանգամանքը վերջերս խնդիր դարձավ Ուկրաինայի դեպքում: