Հայ-թուրքական ձեռքսեղմումը` Գինեսի գրքում

Հայերից և թուրքերից բաղկացած մի խումբ դեկտեմբերի 6-ին Վրաստանի մայրաքաղաք Թբիլիսիում սահմանել է աշխարհի` ամենաերկար ձեռքսեղմման ռեկորդը. հայտնում է hurriyet.com-ը:

Թատրոնի դերասաններ` հայազգի Հովհաննես Աջինյանի ու թուրք Դենիզ Բարըշի 43 ժամվա ձեռքսեղմումը աշխարհի ռեկորդ է սահմանել: Այն գրանցվել է «Գինեսի» գրքում:

«Սա այդքան հեշտ չէ, որքան թվում է: Բայց վերջապես կարողացանք իրականացնել դա: Թեեւ երկու երկրների միջև պատմական անհամաձայնություններ կան, մենք ցույց տվեցինք, որ սա պետք է սովորական մարդկանց հարաբերությունների վրա չազդի»,- ասել են ռեկորդակիրները:

Նշենք, որ այս միջոցառման կազմակերպիչը TANGO Network-ն էր, որի նպատակը երկու երկրների միջև փակ սահմանների վրա ուշադրություն հրավիրելն էր: