TANAP-ը` 21-րդ դարի ամենամեծ ծրագիր. թուրք դեսպան

Ըստ apa.az-ի`Ադրբեջանում Թուրքիայի դեսպանը ասել է. «Ադրբեջանի նախագահի երկօրյա պաշտոնական այցը Թուրքիա եղել է հաջող եւ մեկ անգամ ևս ապացուցել երկու երկրների միջև հարաբերությունների բարձր մակարդակը»:

Խոսելով այն մասին, թե այս այցն ինչպես կազդի երկկողմ հարաբերությունների վրա, դեսպանը նշել է, որ Բարձր մակարդակի ռազմավարական համագործակցության խորհրդի շրջանակներում անցկացված հանդիպման ժամանակ տարբեր ոլորտներում 7 փաստաթղթեր են ստորագրվել:

«Այս փաստաթղթերը դարձել են ճանապարհային քարտեզ, և մենք մոտ ապագայում առաջ ենք ընթանալու այս ճանապարհով: Մենք կփորձենք մեծացնել ապրանքաշրջանառության ծավալը մինչև 15 մլրդ դոլար մինչև 2023 թվականը»:

Խոսելով ապագա ծրագրերի մասին` Թուրքիայի դեսպանը ասել է, որ Բաքու-Թբիլիսի-Ջեյհան նավթամուղի նախագիծը եթե իրականանար, ապա կլիներ 20-րդ դարի ամենամեծ ծրագիրը: Սակայն Բաքու-Թբիլիսի-Կարս-TANAP նախագիծը կլինի 21-րդ դարի ամենամեծ ծրագիրը:

Անդրադառնալով Արցախյան հակամարտությանը` դեսպանն ասել է, որ Թուրքիան շարունակելու է միջազգային նորմերի շրջանակներում այս խնդրին շուտափույթ լուծում տալ: