Հայաստանը դեռ չի հաշվարկել ՄՄ-ին միանալու բոլոր ռիսկերը. Վահրամ Ավանեսյանի ելույթը` Վիլնյուսում

Հայաստանը դեռ չի հաշվարկել ՄՄ-ին միանալու, ինչպես նաև ԵՄ-ի հետ Ասոցացման համաձայնագրի ստորագրման բոլոր ռիսկերը. Վիլնյուսում Արևելյան գործընկերության բիզնես-ֆորումում ելույթ ունենալով` հայտարարել է Հայաստանի էկոնոմիկայի նախարար Վահրամ Ավանեսյանը. հայտնում է РИА Новости-ն:

«Հայաստանի համար անգամ մեկ արտահանող շուկայի կորուստը լուրջ հետևանքներ կունենա: Մենք չենք կարող ասել, որ հաշվակել ենք բոլոր ռիսկերը՝ ՄՄ-ին միանալու հետ կապված: Նույնը վերաբերում է ԵՄ-ի  հետ ազատ առևտրի գոտի ստեղծելուն: Կարծում եմ, որ դրանք շատ բարդ հաշվարկներ են: Մեզ համար լավ կլիներ, որ շարունակեինք բաց սահմաններ ունենալ ինչպես Ռուսաստանի, այնպես էլ ԵՄ-ի հետ»,-ասել է նա: