ՃՏՊ` Լոռիում. 1 զոհ, 2 վիրավոր

  Այս գիշերը Լոռու մարզի Ստեփանավան քաղաքի Բաղրամյան-Արևելյան փողոցների խաչմերուկում տեղի է ունեցել ՃՏՊ:

ԱԻՆ-ից հայտնում են, որ  դեռևս չբացահայտված հանգամանքներում բախվել են «Մերսեդես» մակնիշի 34 OA 931 և «ԲՄՎ» մակնիշի 25 ՍՍ 286 պետհամարանիշերով ավտոմեքենաները, ինչի հետևանքով «ԲՄՎ» մակնիշի ավտոմեքենայի վարորդը` 1987 թ. ծնված Ա. Հ., տեղում մահացել է:

Հրշեջ-փրկարարները «ԲՄՎ» ավտոմեքենայից դուրս են բերել Ա. Հ. դին և հանձնել շտապօգնության ծառայության աշխատակիցներին:

Մինչ հրշեջ-փրկարարների կանչի վայր հասնելը՝ տուժածներ` «Մերսեդես» ավտոմեքենայի վարորդ՝ 1989 թ. ծնված Ա. Ղ. և ուղևոր՝ 1989 թ. ծնված Հ. Ս. տարբեր աստիճանի մարմնական վնասվածքներով հոսպիտալացվել են Ստեփանավան քաղաքի բժշկական կենտրոն:

Բժիշկները տուժածների վիճակը գնահատել են կայուն ծանր: