Ոստիկանների թիվը կրկնապատկվել է

Տեղեկացրել ենք, որ արդեն մոտ մեկ ժամ առաջ երկու տասնյակից ավելի ոստիկանական, մասնավորապես` պարեկային ծառայության մեքենաներ են կայանվել Բուզանդի փողոցի երկայնքով: Ոստիկանական մեքենաների շարասյունը ֆինանսների նախարարության շենքից ձգվում է մինչև Հանրապետություն փողոցի խաչմերուկ: ՃՈ աշխատակիցներն էլ տարածքում կայանված այլ մեքենաների վարորդներին հորդորում են այլ տեղում կանգնեցնել իրենց մեքենաները:

Yerkir.am-ի թղթակիցը տեղեկացնում է, որ ոստիկանների թիվը կրկնապատկվել է, մի քանի ոստիկանական մեծ մեքենաներ են ավելացնել:

Ենթադրվում է, որ ոստիկանների նման բազմությունը պայմանավորված է կառավարության մոտ ժամը 12-ին մեկնարկող ցույցով` ընդդեմ պարտադիր կուտակային կենսաթոշակային համակարգի:

Կառավարության շենքի մոտից մեր թղթակիցը տեղեկացնում է, որ բողոքի ակցիայի մասնակիցներն արդեն հավաքվել են, նրանց թիվը շատանում է: Ակցիան դեռ չի մեկնարկել: