Արտահերթ նիստը տապալվեց

Այսօր խորհրդարանական չորս ուժեր` ՀՅԴ-ի նախաձեռնությամբ, հրավիրել էին արտահերթ նիստ` կենսաթոշակային համակարգի պարտադիր կուտակային բաղադրիչը մեկ տարով հետաձգելու նպատակով: Նախաձեռնությանը, բացի ՀՀԿ-ից եւ ՕԵԿ-ից, միացել էին բոլոր խմբակցությունները, նաև անկախ պատգամավորներ Խաչատուր Քոքոբելյանն ու Էդմոն Մարուքյանը:

Նիստի ժամանակ ԱԺ նախագահ Հովիկ Աբրահամյանը նշեց, որ ՀՀԿ խմբակցությունից ստացել են գրություն, որ ՀՀԿ-ն նպատակահարմար չի համարում մասնակցել արտահերթ նիստին, և բոյկոտում է այն:

Այդպիսով` քվորում չապահովվեց, և արտահերթ նիստը չկայացավ: Հովիկ Աբրահամյանը նշեց, որ դեռևս գործում է երեք ժամվա սկզբունքը, այսինքն` դեռ երեք ժամվա ընթացքում պատգամավորները կարող են փոխել իրենց որոշումը և ներկայանալ արտահերթ նիստին: