Ռոբերտ Քոչարյանի մամուլի ասուլիսը տապալվեց

Տեղեկացրել էինք, որ մի խումբ քաղաքացիներ, ովքեր բողոքի ակցիա էին անում այն հյուրանոցի առջև, որտեղ պետք է տեղի ունենար ՀՀ երկրորդ նախագահ Ռոբերտ Քոչարյանի մամուլի ասուլիսը, մտել են հյուրանոց:

Վերջիններս այժմ այն սրահում են, որտեղ նախատեսված է ասուլիսը:

Հիշեցնենք, որ մամուլի ասուլիսը նախատեսված էր ժամը 12-ին, սակայն այս պահին այն տապալվել է:  

Բողոքողներից մեկը հայտարարեց, որ Քոչարյանն իրավունք չունի ասուլիսով հանդես գալու, քանի որ նա այս պահին մեղադրվող կողմ է: «Մեր նպատակն ասուլիսը տապալելն ու դատարանի որոշման հանդեպ ժողովրդի վերաբերմունքը ցույց տալն է»,-ասացին նրանք: Նշենք, որ բողոքի ակցիա իրականացնողները դեռ այդ սրահում են: Ակտիվիստ Վարդգես Գասպարին պառկել է այն վայրում, որտեղ պետք է նստեր Քոչարյանը:

Նշենք, որ հայտնի չէ՝ այս պահին Քոչարյանը հյուրանոցում է, թե ոչ: