Ընդդիմադիրների ակցիան Փակ շուկայի մոտ տապալվեց

Փակ շուկայի մոտից  Yerkir.am-ի թղթակիցը հաղորդում է, որ ժամը 13:00-ին այստեղ «Պահպանենք հուշարձանը օլիգարխներից» քաղաքացիական նախաձեռնության անցկացվելիք ակցիան տապալվել է:  

Փակ շուկայի շենքի մոտ են դրա սեփականատեր Սամվել Ալեքսանյանին պատկանող ընկերությունների` 2000-ից ավելի աշխատողներ, որոնք վանկարկում են` «բացում, բացում»: Ընդդիմադիրները մի քանի հոգի են, որոնք ամբոխի մեջ չեն երևում:

Սամվել Ալեքսանյանի կողմնակիցները պարզել են պաստառներ` «Ո'չ վարձու ընդդիմախոսներին», «Ո'չ օտարերկյա լրտեսներին», «Ո'չ գրանտակերներին», «Դուք դեմ եք 700 աշխատատեղերի ստեղծմանը», «Այո' աշխատատեղերին», «Պահպանելով հինը` կառուցենք նորը» և այլ գրություններով:

Ի դեպ, ոստիկանները բերման են ենթարկել Վարդգես Գասպարիին: