ԱՄՆ դեսպանի պատասխանը` Ռուբեն Հայրապետյանին

Հայաստանում ԱՄՆ դեսպան Ջոն Հեֆերնը իր թվիթերյան էջում անդրադարձել է ՀՖՖ նախագահ Ռուբեն Հայրապետյանի այն արտահայտությանը, թե «հայ մարդն իր աղջկան չի տանում ֆուտբոլի»:

«Իմ 4 աղջիկները, գումարած` տղաս, ԱՄՆ-ում ֆուտբոլ են խաղում: Դա նրանց զարգացման կարևոր մասն է կազմում: Երբ 1991 և 1999 թվականներին ԱՄՆ աղջիկների հավաքականը հաղթեց ֆուտբոլի աշխարհի առաջնությունում, դա ազգային մեծ հպարտություն էր»,- գրել է դեսպանը` նշելով, որ ԱՄՆ-ում աղջիկների և տղաների սպորտում հավասար ֆինանսավորումը նպաստում է կանանց սպորտի զարգացմանը: «Դա է պատճառներից մեկը, որ ամերիկացի մարզուհիները հաջողություններ են գրանցում օլիմպիական խաղերում և այլ մրցաշարերում»: