Վիլնյուսի համար դեռ փաստաթուղթ չկա

«Հայկական ժամանակ»-ը գրում է. «Ներկայումս Հայաստանի և ԵՄ-ի միջև Վիլնյուսի գագաթաժողովի համար փաստաթուղթ չի նախապատրաստվում։ Այս մասին երեկ մեր թղթակցին հայտնել է ԵՄ ընդլայնման հարցերով հանձնակատար Շտեֆան Ֆյուլեի մամուլի քարտուղար Փիթեր Ստանոն։

«Մենք աշխատում ենք գտնել հետագա համագործակցության համար ուղիներ` հիմնվելով նրա վրա, ինչին հասել ենք ՀՀ-ի հետ, և այն օգտագործել որպես հիմք մեր համագործակցության համար այն իրավիճակում, որտեղ չունենք Ասոցացման համաձայնագիր, այդ թվում՝ ԽՀԱԱԳ»,- ասել է Փիթեր Ստանոն։

Օրերս էլ «ՀԺ»-ի հետ զրույցում ԱԺ արտաքին հարաբերությունների հանձնաժողովի նախագահ Արտակ Զաքարյանն ասել էր. «Ես կարծում եմ, որ վիլնյուսյան գագաթաժողովից (նոյեմբերի 29-խմբ.) առաջ կլինի որոշակի փաստաթուղթ, կդժվարանամ ասել փաստաթղթի բովանդակությունը, ծավալը և դրա նշանակությունը, բայց այն որոշակի հանձնառություն կլինի կողմերի համար՝ շարունակել փոխադարձ հետաքրքրություն ունեցող հարցերի շրջանակները...»։

«Զաքարյանը չէր բացառել անգամ՝ հայտարարության կամ հռչակագրի տարբերակը»,- գրում է թերթը։

Մանրամասները՝ թերթի այսօրվա համարում: