Հայ երիտասարդ ըմբիշները կմասնակցեն Եվրոպայի գավաթի խաղարկությանը

Հայ երիտասարդ ըմբիշները կմասնակցեն հունահռոմեական ոճի ըմբշամարտի Եվրոպայի գավաթի խաղարկությանը: Այդ մասին  լրագրողների հետ այսօր կայացած հանդիպման ժամանակ հայտնեց հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը:

«Առաջիկայում հայ ըմբիշները կմասնակցեն Եվրոպայի գավաթի խաղարկությանը, որին մասնակցում են Եվրոպայի լավագույն վեց թիմերը: Մենք որոշել ենք հնարավորություն տալ մեր երիտասարդ ըմբիշներին` մասնակցելու այդ խաղարկությանը և դրսևորելու իրենց: Մեծահասակ ըմբիշներն այդ ընթացքում կշարունակեն մարզվել և կնախապատրաստվեն նոյեմբերին կայանալիք Հայաստանի առաջնությանը»,- ասաց նա: