Ավանդական կարատե. Հայաստանի ներկայացուցիչը մասնակցում է Եվրոպայի գավաթի խաղարկությանը

Մայիսի 26-ին Լեհաստանում  մեկնարկել է ավանդական կարատեի Եվրոպայի գավաթի խաղարկությունը, որում Հայաստանը ներկայացնում է 2015 թվականի արծաթե մեդալակիր Նարեկ Իսկանդարյանը:

Հայաստանի ավանդական կարատեի ֆեդերացիայի նախագահ և միջազգային կարգի մրցավար Սուրեն Մաթևոսյանը Yerkir.am-ի հետ զրույցում խոսեց մրցաշարի մասին.  

«Լեհաստանում կայանալիք Եվրոպայի գավաթի խաղարկությունում  Հայաստանը ներակայացնելու է Եվրոպայի արծաթե մեդալակիր Նարեկ Իսկանդարյանը: Եվրոպայի գավաթի խաղարկությունը տեղի է ունենում 2 տարին մեկ անգամ:  Մրցաշարին մասնակցելու են 9 պետությունների մարզիկներ:  Մարզիկներին մասնակցությունը տվյալ մրցաշարին որոշում է միջազգային ֆեդերացիան: Ազգային ֆեդերացիան դիմում է ներկայացնում միջազգային ֆեդերացիային, վերջինս հաշվի առնելով տվյալ մարզիկի ձեռքբերումները որոշում է կայացնում մասնակցության վերաբերյալ:  Այս մրցաշարը մյուսներից  տարբերվում է նրանով, որ մարզիկներն այստեղ պայքարելու են 3 տարբեր մրցաձևերում: Ծանոթ ենք մեր մրցակիցներին և ուսումնասիրել ենք նրանց մարտաոճը:  Յուրաքանչյուր երկիր իր ամենաուժեղ մարզիկին է ներկայացրել:  Նարեկը Հայաստանի բազմակի չեմպիոն է և  2015 թվականի Եվրոպայի առաջնության արծաթե մեդալակիր»,-նշեց Սուրեն Մաթևոսյանը: