Հայ երաժիշտները ելույթ կունենան Մոսկվայի հայկական եկեղեցու բացմանը

Այսօր Մոսկվայում կբացվի Հայ Առաքելական եկեղեցու Նոր Նախիջեւանի եւ Ռուսաստանի Հայոց թեմի առաջնորդանիստ Սուրբ Գրիգոր Լուսավորիչ հայկական եկեղեցին:

Եկեղեցու բացման արարողության պատվին կտրվի համերգ, որին կմասնակցի նաեւ Ռուսաստանի ազգային ֆիլհարմոնիկ նվագախումբը, որը կղեկավարի Հայաստանի պետական ֆիլհարմոնիկ նվագախմբի դիրիժոր Էդուարդ Թոփչյանը. այս մասին yerkir.am-ին տեղեկացրին նվագախմբի մամլո ծառայությունից: Այսօր տոնական համերգին ելույթ կունենան նաեւ Նարեկ Հախնազարյանը, Սերգեյ Խաչատրյանը, Հասմիկ Պապյանը:

Եկեղեցու շինարարությունը սկսվել էր 2008-ին, այն գտնվում է Ռուսաստանի մայրաքաղաքի Օլիմպիական պողոտայում: