Պռոշյանի գյուղապետն ուզում է իր ՛՛կրուգով՛՛ աշխատել. ՛՛Ժողովուրդ՛՛

«Ժողովուրդ»-ի տեղեկություններով՝ Կոտայքի մարզի Պռոշյան համայնքի ղեկավար Արթուր Մուրադյանն աշխատանքից հեռացրել է համայնքի միակ մանկապարտեզի տնօրեն Մաքրուհի Ազարյանին: Ըստ թերթի՝ նա իր քայլն այսպես է բացատրել. «Մենք ուզում ենք մեր կրուգով աշխատել»: Տպավորություն է, թե նորընտիր գյուղապետ Արթուր Մուրադյանը կամ այնպիսի վիճակ է ստեղծում, որ համայնքապետարանի աշխատակիցներն են հրաժարվում իր հետ աշխատել, կամ էլ տեսնելով, որ շատերը ինքնակամ հրաժարական չեն տալիս, ինքն է հեռացնում:

Ստեղծված իրավիճակի շուրջ «Ժողովուրդ»-ը պարզաբանում է խնդրել Ա. Մուրադյանից, սակայն պարզաբանում տալու փոխարեն նա համառորեն պահանջել է էր իրեն հայտնել, թե ով է այդ տեղեկությունը փոխանցել: «Նման բան չկա, ինքը հեռացել է մանկապարտեզի տնօրենի պաշտոնից իր սեփական դիմումի համաձայն»,- ասել է գյուղապետը: 

Նոր տնօրենը, արդեն, նրա  «կրուգից» է:

Շարունակությունը կարդացեք «Ժողովուրդ»-ի այսօրվա համարում: