Հ.Մ.Ը.Մ-ական 9-րդ մարզախաղերը թեժ փուլում են

Արդեն տեղեկացրել ենք, որ հուլիսի 27-ին համայն հայության մայրաքաղաք Երևանում մեկնարկել են Հ.Մ.Ը.Մ-ական խաղերը, որոնց մասնակցում է 17 երկրից ժամանած 651 մարզիկ:

Այսօր մրցութային չորրորդ օրն է: Մարզախաղերում ընդգրված ութ մարզաձեւից (վոլեյբոլ, բասկետբոլ, ֆուտբոլ, մեծ և փոքր թենիս, լող շախմատ, աթլետիկա) այսօր մեկնարկի են դուրս եկել աթլետները, շախմատիստները և փոքր թենիս մարզաձևի մասնակիցները:

Հատկապես ուրախացնում են հայաստանցի մարզիկների մրցելույթները կանանց  վոլեյբոլ, բասկետբոլ  և տղամարդկանց բասկետբոլ մարզաձևերում:  Նրանք մեդալներ նվաճելու լուրջ հայտ են ներկայացրել:

Հ.Մ.Ը.Մ-ական 9-րդ մարզախաղերում առողջ մրցակցության մթնոլորտ է: Թե’ մասնակիցները, թե’ հյուրերը ժպիտով են խոսում Հ.Մ.Ը.Մ-ական խաղերի և հայրենիքում անցկացրած օրերի մասին և ափսոսում, որ այս ամենը շուտով եզրագծին է մոտենալու:

Վաղը մարզախաղերում հանգստյան օր է: Մյուս օրը` օգոստոսի 1-ին, մեկնարկի դուրս կգան լողորդները:

Ֆոտոռեպորտաժը` շուտով: