Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր ԱԺ-ում լրագրողների խնդրանքով անդրադառնալով վարչապետի անվան հետ կապված օֆշորային սկանդալին` ԱԺ փոխնախագահ Էդուարդ Շարմազանովը հիշեցրեց, որ վարչապետը դիմել է գլխավոր դատախազություն, խնդիրը գտնվում է դատական եւ իրավական տիրույթում, ուստի ինքը մեկնաբանելու բան չունի:
«Դատարանը կորոշի, բայց ես հավատում եմ պարոն վարչապետին»,- հայտարարեց Շարմազանովը:
Yerkir.am-ի դիտարկմանը` իսկ Կիպրոսի դատախազի ասածին չեք՞ հավատում, երբ մարդը պարզ եւ կոնկրետ հայտարարում է, որ հնարավոր չէ օֆշորային ընկերություն գրանցել որեւէ մեկի անունով` առանց տվյալ անձի թույլտվության կամ լիազորագրի, Շարմազանովը խուսափեց պատասխանել եւ կրկին հայտարարեց, որ խնդիրը գտնվում է դատական ատյաններում, եւ դատարանը կորոշի, ինքը կոռեկտ չի համարում մեկնաբանել:
Լրագրողներից մեկի դիտարկմանն էլ, թե հնարավո՞ր է այստեղ քաղաքական պատճառներ կան, հնարավո՞ր է վարչապետը դիտվում է 2018թ. նախագահական ընտրություններում որպես նախագահի պոտենցիալ թեկնածու, Շարմազանովը հակադարձեց. «Մինչեւ 2018 թվականը դեռ պետք է շատ-շատ բարեփոխումներ անենք, ապրենք, հասնենք: Կուսակցությունը նման հարց դեռեւս չի քննարկել: Ամեն դեպքում, բնականաբար, քաղաքական գործչի հետ ինչ լինում է, դա լինում է քաղաքական»: