Twitter-ը մերժել է թուրքական իշխանություններին

Twitter-ի ներկայացուցիչները մերժել են թուրքական իշխանությունների` համագործակցելու առաջարկը: Այդ մասին հայտարարել է Թուրքիայի տրանսպորտի եւ հեռահաղորդակցության նախարար Բինալի Յըլդըրըմը. տեղեկացնում է Anadolu գործակալությունը:

Նախարարը նշել է, որ սոցցանցերում, Գեզի այգու հետ կապված, բազմաթիվ կեղծ ըքաունթներ են ստեղծվում, որոնց նպատակը ցուցարարներին աջակցելն է: Ըստ նրա` որոշ սոցկայքեր համաձայնել են համագործակցել իրենց հետ, սակայն Twitter-ից մերժում են ստացել: Յըլդըրըմը դատապարտել նման մոտեցումը` հայտարարելով, որ Թուրքիայում գործող բոլոր ընկերությունները պարտավոր են համագործակցել դատական եւ իրավապահ մարմինների հետը: Նախարարը միաժամանակ նշել է, որ կառավարությունը չի պատրաստվում սահմանափակումներ սահմանել, ըստ նրա` «դա հակասում է սոցիալական ցնացերի բնույթին»: