Մինչև շաբաթվա վերջը ամեն ինչ պարզ կլինի. Մոուրինիո

Մադրիդի «Ռեալ»-ի նախկին գլխավոր մարզիչ, պորտուգալացի Ժոզե Մոուրինիոն հայտարարել է, որ մինչև այս շաբաթվա պարզ կլինի` ինքը կգլխավորի Լոնդոնի «Չելսի»-ն, թե` ոչ:

Շաբաթ օրը «սերուցքայիններն» իրենց վերջին հանդիպումն անցկացրին պորտուգալացի մասնագետի ղեկավարությամբ: Հանդիպումն ավարտվեց մադրիդցիների օգտին` 4:2:

Մոուրինիոն «Ռեալ»-ը գլխավորել էր 2010-ից:

«Առայժմ ոչինչ ասել չեմ կարող: Երկուշաբթի մեկնելու եմ Լոնդոն: Կարծում եմ` մինչև շաբաթվա վերջը ամեն ինչ կպարզվի: Հիմա միայն սպասել է պետք: Ես երջանիկ էի «Չելսի»-ում, կարծում եմ` այնտեղ ինձ սիրում են: Կյանքը հիասքանչ է բայց և կարճ, պետք է գտնել այն, ինչ ավելի լավն է»,- պորտուգալացու խոսքերն է մեջբերում AS-ը: