Լատվիայում դեմ են, որ գյուղերից մեկը Պուտինի պատվին կոչվի

Լատվիայի պետական լեզվի կենտրոնը դեմ է, որ Ռիգայի ու Յուրմալայի միջև կառուցվող գյուղը ՌԴ նախագահ Վլադիմիր Պուտինի պատվին անվանվի. հայտնում է Лента.ру-ն` վկայակոչելով DELFI-ն:

Խոսքը «Պուտինկա» անվանումը ստացած նորաստեղծ գյուղի մասին է, որի կառուցմամբ զբաղվում է Vianets ընկերությունը: Ընկերության ներկայացուցիչ, Սեյմասի նախկին պատգամավոր Ալեքսեյ Խոլոստովը ասել է, որ այդ կերպ ընկերությունը ցանկացել է ընդգծել Պուտինի ներդրումը Ռուսաստանի և ամբողջ աշխարհի զարգացման մեջ:

Սակայն երկրի օրենքների համաձայն` բնակավայրի անվանումը պետք է հաստատի պետական լեզվի կենտրոնը: Իսկ գերատեսչությունը հրաժարվում է գրանցել «Պուտինկա»  անվանումը, քանի որ այն չի համապատասխանում տեղանունների վերաբերյալ առկա պահանջներին: