Ո՞վ ես դու, որ դատես կյանքս

Չես կարող երջանիկ լինել, եթե շարունակ փնտրես, թե քեզ ինչն է երջանկացնում: Երբեք չես ապրի, եթե շարունակես կյանքի իմաստը փնտրել:

Ալբեր Կամյու

Ես պատասխանատու եմ ոչ թե կյանքի իմաստազրկման կամ իմաստավորման համար, այլ ապրածս կյանքի:

Հերման Հեսսե

Կյանքին պետք է իմաստ տալ, քանի որ այն ակնհայտորեն անիմաստ է:

Հենրի Միլլեր

Լավ ընկերներ, լավ գրքեր եւ քնկոտ գիտակցություն. սա է կատարյալ կյանքը:

Մարկ Տվեն

Ո՞վ ես դու, որ դատես կյանքս:

Ես գիտեմ, որ կատարյալ չեմ, եւ չեմ ապրում՝ այդպիսին դառնալու համար: Բայց մինչ կսկսես մատնացույց անել՝ համոզվի՛ր, որ ձեռքերդ մաքուր են:

Բոբ Մարլի

Ես մեռնելու եմ, երբ ժամանակս գա, ուրեմն թույլ տվեք ապրել այն:

Ջիմի Հենդրիքս

Կյանքի իմաստը ինքդ քեզ գտնելու մեջ չէ: Այն ինքդ քեզ ստեղծելու մեջ է:

Ջորջ Բերնարդ Շոու

Թող, որ ապրես կյանքիդ յուրաքանչյուր օրը:

Ջոնաթան Սվիֆտ

Կյանքը պարտավոր չէ Ձեզ տալու այն, ինչ ակնկալում եք:

Մարգարետ Միտչել

Եթե կարողանամ փրկել մեկի սիրտը կոտրվելուց, կյանքս անիմաստ չի լինի:

Էմիլի Դիքինսոն

Եթե հարցնեք, թե ինչու եմ ծնվել, ես, որպես արտիստ, կպատասխանեմ` ծնվել եմ բարձրաձայն ապրելու համար:

Էմիլ Զոլա

Թարգմանությունը՝ Էդիթ ՄԱՐԳԱՐՅԱՆԻ