Տարոն Մարգարյանը ՀՀԿ կրծքանշանը դրեց գրպանը

Հայտնագործություն արած չենք լինի, եթե ասենք, որ Երեւանի ավագանու ընտրություններում ՀՀԿ-ն հիմնական քարոզչական շեշտը դնում է Տարոն Մարգարյանի անձի վրա, եւ ՀՀԿ-ի անունը քարոզարշավի ընթացքում համարյա չի հնչում, ու տպավորություն է, որ սրանք ոչ թե Երեւանի ավագանու, այլ Տարոն Մարգարյանի ընտրություններն են: Այն, որ ամեն կերպ փորձ է արվում մարդկանց ուշադրությունը սեւեռել այն բանի վրա, թե որքան լավն է Տարոն Մարգարյանը, եւ հնարավորինս քիչ ընդգծել, որ նա իշխող ՀՀԿ-ի ցուցակն է գլխավորում եւ նախեւառաջ ՀՀԿ-ի քաղաքապետն է լինելու, դա արդեն փաստ է:

Այսօր մի ուշագրավ դեպք տեղի ունեցավ Նոր Նորք վարչական համայնքում, որի բնակիչների հետ հանդիպման էր եկել Տարոն Մարգարյանը: Նա առանց ՀՀԿ կրծքանշանի էր, մի քանի րոպե կրծքանշանը ձեռքում ուսումնասիրելուց հետո Տարոն Մարգարյանը այն պարզապես գրպանը դրեց: Իսկ թե ինչո՞ւ է նման բան արվում, առավել քան հասկանալի է:

Առաջարկում ենք դիտել Yerkir.am-ի թղթակցի նկարահանած կադրերը: